ԲՐԻՏԱՆԱԿԱՆ ՖԻԼՄԵՐԻ
9-ՐԴ ՓԱՌԱՏՈՆ

Բրիտանական ֆիլմերի փառատոնը ներկայացնում է բրիտանական ժամանակակից կինոարվեստի լավագույն և հիշարժան աշխատանքները: Մենք առաջարկում ենք տարբեր ժանրերի ստեղծագործություններ` կատակերգությունից մինչև փաստավավերագրական ֆիլմ:
Փառատոնի ընթացքում ցուցադրվող ֆիլմերը պատմություններ են Մեծ Բրիտանիայի հասարակության մասին, քաղաքացիների առօրյայի, նրանց հույզերի և մտորումների մասին:

ԳԵՂԱՐՎԵՍՏԱԿԱՆ ՖԻԼՄԵՐ

VO.X ՓԱՌԱՏՆԻ ԲԱՑՄԱՆ ԱՐԱՐՈՂՈՒԹՅԱՆ ՀԱՏՈՒԿ ՀՅՈՒՐ

Voxrecords.com

ԲՐԻՏԱՆԱԿԱՆ 5 ԿԱՐՃԱՄԵՏՐԱԺ ՖԻԼՄԵՐ

Մարտի 3, 2011, 19:30 - Գաֆէսճեան արվեստի կենտրոն, հատուկ միջոցառումների հանդիսասրահ

ՆԵՐԿԱՅԱՑՆՈՒՄ Է «ԲԱՐՍ ՄԵԴԻԱ» ՎԱՎԵՐԱԳՐԱԿԱՆ ՖԻԼՄԵՐԻ ՍՏՈՒԴԻԱՆ

Վարդան Հովհաննիսյան - Ռեժիսոր/ պրոդյուսեր
Արման Երիցյան - Ռեժիսոր
Իննա Սահակյան - Ռեժիսոր/ պրոդյուսեր

ԻՆՖՈՐՄԱՑԻՈՆ ԳՈՐԾԸՆԿԵՐՆԵՐ

Հայաստանի Հանրային հեռուստաընկերություն

Երկիր Մեդիա

Կենտրոն

ԴԱՐ 21

RADIO VAN

ՌԱԴԻՈ ՀԱՅԱՍՏԱՆ

HAY FM

Սոսի

LORI TVR

ՄԻԳ TVR

ԿԱՊ ՄԵԶ ՀԵՏ

Բրիտանական Խորհուրդ
Բաղրամյան 24
Երևան 0019 Հայաստան

+374 10 569924
info@britishcouncil.am

www.britishcouncil.am

www.britfilms.am

ԱՐՏԱԴՐՎԱԾ Է ԴԱԳԵՆՀԵՄՈՒՄ

Ոգեշնչող ու բարի պատմություն Ռիտայի`գործարանային եռանդուն բանվորուհու մասին, ով դեմ դուրս եկավ աշխարհի խոշորագույն կորպոռացիային` Ford Motors-ին: Պատմություն, որը սկիզբ առավ իբրև հավասար աշխատավճարի պատճառով վիճաբնություն և վերաճեց խռովության 60-ականների Բրիտանիայի կանանց շրջանում` փոխելով պատմությունը:
Նայջել Քոուլի նկարահանած այս վառ ու կյանքից վերցված կատակերգության գլխավոր դերում հանդես է գալիս Սելի Հոքինսը:

ԱՐԲՈՐ

"Արբորը" բրեդֆորդցի դրամատուրգ Անդրեա Դանբարի ու նրա դուստր Լոռեյնի լարված հարաբերությունների իրական ու տպավորիչ պատմությունն է:
Անդրեան անկեղծորեն ու անթաքույց գրել է տխրահռչակ Բաթրշոուի կալվածքում նրա դաստիարակման մասին: Երբ 1990-ին 29 տարեկան հասակում վրա հասավ նրա ողբերգական մահը, Լոռեյնն ընդամենը տասը տարեկան էր: "Արբորը" պատկերում է Լոռեյնին այսօր, ով ևս 29 տարեկան է, Բաթրշոուից քշված ու բանտում` դատապարտված իր որդու մահվան համար մարդ սպանելու մեղադրանքով: Բանտում գտնվելով ու ռեաբիլիտացիա անցնելով` Լոռեյնը վերստին ծանոթանում է իր մոր պիեսներին ու անձնական նամակներին, մտածում իրենց կյանքերի զուգահեռների մասին: Քլիո Բարնարդը Լոռեյն Դանբարի, Դանբար ընտանիքի այլ անդամների ու Բաթրշոու կալվածքի բնակիչների հետ հարցազրույցներ է արել ավելի քան 2 տարի: Նյութը մոնտաժվել է հնչյունային "սցենարի", որը կազմում է ֆիլմի հիմքը, քանի որ դերասանները հարցազրույցներ տվողների ձայները օգտագործում են որպես ֆոնոգրամա:

ՎԱՐԴԱԳՈՒՅՆ ՍԱՐԻՆԵՐ

"Աղջկա կյանքը դաժան է… Կնոջ կյանքը` շատ դաժան",- նկատում է Սամփաթ Փալը` արտասովոր կանանց կյանք Քիմ Լոնջինոտոյի վերջին ներխուժման հերոսուհին:
Սամփաթ Փալին, շատ ուրիշների նման, փոքր հասակում մարդու էին տվել մի ընտանիքում, որը հաճախ ծեծի էր ենթարկում նրան: Բայց, սովորականին հակառակ, նա պատասխան էր տվել` լքելով ամուսնու ընտանիքը և ի վերջո հռչակվելով ամբողջ Ութթար-Փրադեշի ճնշված կանանց պաշտպան: 14-ամյա Ռեքհայի ու 15-ամյա Ռենուի պես հուսահատ երիտասարդ կանանց համար նա միակ հույսն է:
"Վարդագույն սարիները" անզիջում և հաճախ ապշեցնող հայացք է այս` գրեթե քաղաքական ակտիվիստներին ու նրանց խարիզմատիկ առաջնորդին: Արտասովոր տեսարաններում հանդիսատեսը տեսնում է, թե հերոսուհին ինչպես է ինքն իրեն նետում ընտանեկան դրամաների կիզակետ:

ԺՈՂՈՎՐԴԻ ԹՇՆԱՄԻՆԵՐԸ

Լրագրողը, որի ընտանիքին սպանել են Կարմիր կհմերները, մեկ տասնամյակ է տրամադրում Մահվան դաշտերում հանցագործություններ կատարողների հետ մտերմանալուն: Նա բոլորովին նոր տվյալներ է ձեռք բերում տխրահռչակ Թիվ երկու եղբորից ու ցածրաստիճան մարդասպաններից, և ցեղասպանությունը նոր ու սարսափեցնող դիտանկյունից է ներկայացնում: Սակայն նրա պարզած ճշմարտությունն էլ իր գինն ունի:

ԲԱԲԵԼՈՆԻ ԶԱՎԱԿԸ

2003-ի ապրիլ` Սադամի տապալումից 3 շաբաթ անց: Ուղևորություն Իրաքի տարծքով`մի անհանգսիտ հողի, որտեղ ոչ ոք չգիտի, թե առջևում ինչ է սպասվում: Լուր առնելով, թե երկրի հարավում ողջ ռազմագերիների են գտել, հետաքրքրասեր պատանի Ահմեդն ու նրա կամակոր տատը ճամփա են ընկնում` պարզելու տղայի կորած հոր ճակատագիրը, ով մեկն է 1991-ի Ծոցի պատերազմից հետո տուն չվերադարձած բազմաթիվ զինվորներից… Մինչ տատը չի ցանկանում ընդունել սարսափելի ճշմարտությունը, Ահմեդը վերստին անցնում է հոր անցած ուղին` հայր, որին երբեք չի ճանաչել: Սա մի ուղևորություն է, որը ոչ միայն նրանց կկապի անցյալին, այլև մեկընդմիշտ կվճռի նրանց կյանքերը:

ԸՍՏ ԿԱՍԿԱԾԱՆՔԻ

1979թ., ընտրությունների գիշերը, ոստիկանության հարցաքննությունների սրահ: Դելրոյի հղի կնոջը մահացած են գտել արյան հեղեղի մեջ, ու նրան բաժին են բերել` որպես գլխավոր կասկածյալ: Իր դեմ բարդվող բոլոր ապացույցներով հանդերձ` Դելրոյը շարունակաբար հրաժարվում է խոստովանել: Նրա համար դա բիրտ նսեմացման գիշեր է երկու ռասիստ ոստիկանների ձեռքին, որոնք երկուսն էլ խանդավառված են: Պահպանողականների ձայների անսպասելի բաշխումից բխող մոտալուտ հաղթանակով: Ավելի մտահոգ լինելով ընտրության ելքով, քան ճշմարտությունը պարզելով, նրանք դիմում են դաժան հարցաքննության: Երկրի համար նոր առավոտ է բացվում` Մարգարեթ Թեթչերի նոր վարչապետությամբ, իսկ Դելրոյի կյանքը մեկընդմիշտ բեկված է: Բրիտանական դասական "Երկար ու լավ ուրբաթի" հեղինակից, իրական պատմության վրա հիմնված "Ըստ կասկածանքին"` ուժգին բողոք է ինստիտուցիոնալ ռասիզմի դեմ: Անողոք է պատկերված կոռումպացված համակարգը, որը չի կարողանում պաշտպանել այն ժողովրդին, որին կոչված է պաշտպանել:

ՄՈԽՐԱԳՈՒՅՆԻ ԲՈԼՈՐ ԵՐԱՆԳՆԵՐԸ

Երկու էրիթրեացի աղջիկներ հատվածաբար ներկայացնում են իրենց երկրից փախչելու պատմությունը, հանդիսատեսին պատմում, թե ինչ է փախստական երեխայի կարգավիճակում, միայնակ Լոնդոնում ապրելը: Որպես "Կորչի իսլամաֆոբիան" ծրագրի մաս ձեռնարկված մտերմիկ պատկերումն ի ցույց է դնում քաղաքական հակամարտության հուզական հետևանքները:

ԱԲԴՈՒԼԻ ՀԵՏ ՀԱՄԸՆԹԱՑ

Աբդուլը մի խնդրի խորհրդանիշ է, որի հետ Եվրոպան չի ուզում գործ ունենալ: Երիտասարդ փախստականը, տասնյակ ուրիշ մարդկանց նման, լռվել-մնացել է ֆրանսիական ափին և փորձում է նավով Անգլիա հասնել: Աբդուլն իրավազուրկի կյանք է վարում: Տունը նրա համար հեռավոր հիշողություն է: Ֆիլմում Աբդուլի հանդես գալը վտանգում է նրան, և ֆիլմը նկարահանողները պետք է նրան պաշտպանել փորձելու վճիռ կայացնեն:

ԱՐՏԱՇՆՉՈՒՄ

17-ամյա Ջոելի մոտ ՄԻԱՎ է ախտորոշվել: Նա, շատ հապճեպ, որոշում է, որ ինքն ավելի լավ է միայնակ դիմակայի դրան, քան որևէ ուրիշ մարդու հետ առնչվի այդ "ամոթալի" ախտին: Քրիսի տանը նրա անցկացրած առաջին գիշերը իր իսկ վախերն օգնում են "ապաքինել" իրենց փխրուն ու խոցելի հարաբերությունները:

ՏԵՆԴԵՐ

Երբ Լայամը "ջնջովի կտրոնով փող է շահում", Ալիշան հանկարծակի սկսում է հետաքրքրվել: Որոշ ժամանակ տանից դուրս կյանքը լավ է Լայամի համար: Սակայն երբ նա փորձում է իր փողն օգտագործել մոր խնդիրները լուծելու համար, բոլորի համար վատ է լինում:

ՄՐԵՇ

"Մրեշը" մռայլ հեքիաթ է երկնաքերում բանտված մի աղջնակի մասին: Նրա միակ ելքը իր` կյանքից էլ երկար երևակայական բարեկամն է, որին Էմիլին հորինում է իր հանգուցյալ մոր էսքիզների տետրի հիման վրա:

«ԲԱՐՍ ՄԵԴԻԱ» ՎԱՎԵՐԱԳՐԱԿԱՆ ՖԻԼՄԵՐԻ ՍՏՈՒԴԻԱ

«Բարս Մեդիա» վավերագրական ֆիլմերի ստուդիան հիմնադրվել է 1993թ-ին անկախ լրագրող Վարդան Հովհաննիսյանի կողմից, որը սկսել էր իր աշխատանքային գործունեությունը որպես Ղարաբաղյան հակամարտության թեժ գծի լրագրող եւ ՍԻ ԲԻ ԷՍ ՆՅՈՒԶԻ (CBS news) օպերատոր:

Բարս Մեդիայի նկարահանած «Պատմություններ պատերազմի եւ խաղաղության օրերից» /ռեժիսոր` Վարդան Հովհաննիսյան/ վերնագրով ֆիլմը Հայաստանի պատմության մեջ առաջին մեծածավալ բյուջեով վավերագրական ֆիլմն է, որն արժանացել է մի շարք մրցանակների միջազգային ֆիլմերի փառատոններում, այդ թվում «լավագույն նոր ռեժիսոր» մրցանակին Նյու Յորքում անցկացվող ամենամյա հանրաճանչ «Տրիբեկա» միջազգային կինոփառատոնում: Ֆիլմի հիմքում ընկած են Արցախյան հակամարտության ժամանակ նկարահանված նյութերը, որոնք վավերագրում են պատերազմը եւ պատմում նրա հերոսների մասին: Մյուս կողմից ներկայացվում է նույն հերոսների ճակատագիրը` ավելի քան 12 տարի անց:

Ստուդիայի վերջին ֆիլմը` «Հայաստանի վերջին լարախաղացը» /ռեժիսորներ` Իննա Սահակյան եւ Արման Երիցյան/ նույնպես արժանացել է բազում մրցանակների, ինչպիսիք են գլխավոր մրցանակ Բելգրադի Ազգագրական Ֆիլմերի փառատոնում, Լավագույն վավերագրական ֆիլմ «Ռոսիա» փառատոնում եւ այլն: Ֆիլմը պատմում է Հայաստանի վերջին լարախաղաց-վարպետների մասին, որոնք փորձում են պահպանել իրենց սիրելի արվեստը մոռացության մատնելու վտանգից:

Այժմ ստուդիան աշխատում է մի շարք վավերագրական նախագծերի վրա, ինչպես Հայաստանում, այնպես էլ Աֆրիկայում, Ռուսաստանում եւ այլուր:

ՍԱՌԱ ՌՈՍ, ՄԵԾ ԲՐԻՏԱՆԻԱ